Ulg’aymagan sevgi sevgi haqida she’r

Ulg'aymagan sevgi

Men xamon o’shaman- jajji qizaloq,
Mendan boshqalar ulg’ayishyapti.
Menda ulg’aygani qayg’uli quvonch.
Bir sirim aytaymi? Qiynaldim. Rosti!

Asli sen kuchlisan, arslondan kuchli
Nara tortganingda ko’k titraydi-ku.
Begona chorlasa ismingni aytib
Sexrli eshiklar ochilardi-ku.

Men xatto begona bo’lolmadimmi?
Ming yillar bo’ldi-ku, isming bilaman-
Ming yilki bir ko’zda baht boshqasida
Chayonni quchoqlab kulaman.

Ming yilki, kutaman marxamatingni,
Ming yilki intiqman chin kulmoqlikka.
Bariga qo’l siltab ketayin desam
Yana ming yil kerak unutmoqlikka.

Sezyapman, sabrlar ado bo’lyapti
Nima qilsam. Yana to’laveraymi?
O’zing ayt, kelajak ming yil xam
Chayonning zaxri-la kulaveraymi?!

Nega indamaysan, nega qolding jim,
Rab senga bardoshni toshdan bitganmi?
Ming yillar ozmikan, balki million yil
Sabrning rangidan ko’ylak kiyaymi?

Yana sukunatmi, javobingmi bu?
Bo’ldi, yuragingga boshqa kirmayman!
Ulg’aymagan jajji sevgimni quchib
Toshga aylanaman, boshqa kulmayman!

Оставьте комментарий