Toshkent uyezdi


Post Views:
63

TOSHKENT UYEZDI – markazi Toshkent hisoblangan ma’muriy-hududiy birlik (1887–1924; 1867–86 yillarda Qurama uyezdi). 1918 gacha Turkiston general-gubernatorligi, 1918–24 yillarda Turkiston ASSR, 1926–30 yillarda Toshkent okrugi tarkibida. Maydoni 25610 kv. versta, aholisi taxminan 310 ming kishi bo‘lgan (1909). Toshkent uyezdida aksariyat o‘zbeklar, shuningdek, tatarlar, qozoqlar va boshqalar yashagan.

tashkentskiy-uezd

Yerlari Chirchiq, Keles, Ohangaron va boshqa daryolardan sug‘orilgan. Aholisi, asosan, dehqonchilik (asosiy ekinlari: bug‘doy, sholi, paxta va boshqalar), bog‘dorchilik va chorvachilik bilan shug‘ullangan. Toshkent uyezdida paxta tozalash, pivo va ko‘n zavoddlari bo‘lgan, mayda hunarmandchilik rivojlangan. Toshkent uyezdini uyezd boshlig‘i boshqargan. Uyezd 4 bo‘limga: Piskent, Shahar atrofi, Troitsk, Xonobodga bo‘lingan (1909). Shahar atrofi quyidagi mavzelarni o‘z ichiga olgan: Zangiota, Mirobod, Oqqo‘rg‘on, Chilonzor, Qatortol, CHo‘ponota, Oqtepa, Qorasaroy, Yunusobod, Otchopar, Posira, SHo‘rtepa, Yalang‘och, O‘nqo‘rg‘on, Shibli va boshqalar (mavzelar sekin-asta Toshkent hududiga qo‘shilib ketdi). O‘zbekistondagi yangi ma’muriy-hududiy bo‘linish tufayli Toshkent uyezdi tugatilgan.

«Toshkent» ensiklopediyasi. 2009 yil

Оставьте комментарий