Siz o’shamu? sevgi haqida she’r

Siz o'shamu?

Yulduzim deb,izlaganim,
Armonlarda bo’zlaganim,
Kecha-kunduz so’zlaganim —
Siz o’shamu,siz o’shamu?

Olislardan topmaganim,
Ammo aslo tonmaganim,
O’ylab-o’ylab qonmaganim —
Siz o’shamu,siz o’shamu?

Tushlarimga kirib yurgan,
Yulduzlarday yonib turgan,
Meni o’ylab hayol surgan
Siz o’shamu,siz o’shamu?

Qolmang deyman zavolimga,
Jamolingiz hayolimda,
Dilim dardi savolimda,
Siz o’shamu,siz o’shamu?

Peshonamga taqdir bitgan,
Yuragimni abgor etgan,
Otabegim deya kutgan
Siz o’shamu,siz o’shamu?

Bir bor ko’rib,o’lay deyman,
Kulgichiga to’yay deyman,
Ko’ksiga bosh qo’yay deyman,
Siz o’shamu,siz o’shamu?

Оставьте комментарий