Shoshiy-Omiriy


Post Views:
1

Shoshiy-Omiriy arab tilida ijod qilgan toshkentlik shoirlardandir. Uning to‘la ismi Abu Omir Ismoil ibn Ahmad ash-Shoshiy al-Omiriy bo‘lib, Toshkentda tug‘ilgan, keyinchalik ilm-ma’rifat qidirib Sharq o‘lkalarini kezgan, nihoyat Rayga, ancha o‘qimishli fazl egasi bo‘lgan olim va shoirlarni o‘z saroyiga to‘plagan vazir Sohib ibn Abbod (936-995) huzurida yashagan. Shoshiy Rayga kelib, u yerda hurmat va ehtiromga sazovor bo‘ladi. Adabiyotshunos Saolibiy bo‘lsa Matroniy haqida so‘zlaganda Toshkentda undan boshqa ham shoir yetishib chiqqanini aytmoqchi bo‘lib, agar Abu Omir Ismoil ibn Ahmadni hisobga olmasak Matroniydan bo‘lak yirik shoir yetishib chiqmadi, deb yozadi. Bu bilan u Shoshiy-Omiriyni juda o‘tkir va arabcha she’rlarga mohir shoir demoqchi bo‘ladi. Uning she’rlaridan parchalar as-Saolibiyning tazkirasiga kirib qolib, davrimizgacha yetib kelgan.

Toshkent allomalari va tarixiy shaxslari (ikkinchi kitob)

Abdulaziz Muhammadkarimov
“Toshkentnoma”. 2009 yil

Оставьте комментарий