RAMAZON TUXFASI uzbekcha she’r

RAMAZON TUXFASI
RAMAZON TUXFASI

RAMAZON TUXFASI.🌺🕊

Jamiki ro’zador aka-ukalarim nomidan!
Aziz va Munis, Kamtarin va Hokisor O’zbegim Ayollariga☝️…

Dunyoning hayoyu-sharmi sizniki!
Shirinlik va xamda garmi sizniki!
O’zbegim ayoli, unutmang aslo:
Tutgan ro’zamizning yarmi-sizniki!

Zo’r-bazo’r turamiz saxarga arang,
Tayyor ovqatga xam qilamiz tarang,
Uyg’otasiz,yalinib… bizlarni,qarang:
Tutgan ro’zamizning yarmi-sizniki!

Kunduzi tengma-teng to’kasiz terlar,
Sizsiz qurib bitar ekin-u,erlar,
Bildim, joningizni nedan qirq derlar:
Tutgan ro’zamizning yarmi-sizniki!

Biz tutgan ro’zani siz xam tutyapsiz,
Gaz yo’q-o’chog’ingiz… tutun yutyapsiz,
Xamon kelajakdan-umid… kutyapsiz:
Tutgan ro’zamizning yarmi-sizniki!

Qo’lingiz kosov-u, sochlar-supurgi,
Egnizda-ko’ylaklar… bir yil burungi,
Sizga bas, ovsinlar jonli gurungi:
Tutgan ro’zamizning yarmi-sizniki!

Aslida Alloxning raxmati-Sizsiz!
Biringiz-qaynona, kelinsiz-qizsiz!
Bilmadim axvol ne bo’lardi, Sizsiz:
Tutgan ro’zamizning yarmi-sizniki!

Bu xaqda yozgandim… yana qaytaman,
Tashakkur aytayin qayta-qayta Man,
Kimgadir yoqmasa… baland aytaman:
Tutgan ro’zamizning yarmi-sizniki!

Оставьте комментарий