Oz yashadimu bisyor dars oldim uzbekcha she’r

Oz yashadimu bisyor dars oldim

Oz yashadimu bisyor dars oldim,
Qarangki arslonlar tulki izmida.
Haqiqat, adolat qarsak chalishar,
Kibr tashkillagan pulning bazmida.

Kuchlilar ishonchni ko’mib tashlashdi.
Ziyoli tilini tishlar bir chetta
Zamon qozi qildi poraxo’rlarni,
Bugunning holi shu nu bo’lar erta.

Ko’pni ko’rgan aqlga – ish topilipti,
Nafsning qo’lida durust mardikor.
Adolat qabrini izlaganlarning
O’ngi qora jarlik, so’li tikonzor.

Sakrasin balantroq ko’kka yetguncha,
Qaddini ursin zamonning zo’ri.
Unutib qo’ymanki qadrdonlarim,
Marifat abadiy, pul qo’ning kiri.

Maqsading ma’rifat bo’lsa, ey inson
Inshoolloh jannatda birga bo’lamiz.
Xaromdan mol-dunyo yig’ib yurganlar —
Yalang’och kelganmiz shunday ketamiz…

Оставьте комментарий