Novza


Post Views:
122

1. «NOVZA» MAHALLASI (Zaxariq ko‘chasi, 5) – Shayxontohur tumanidagi mahalla. Olim Xo‘jayev, «Samarqand Darvoza», «Cho‘ponota» hamda Chilonzor tumanidagi «Charx Kamolon» mahallalari bilan chegaradosh. Mahalla hududida 1936 yil Cho‘ponota mahallasi tashkil topgan. Keyinchalik u 3 qismga (Cho‘ponota, O.Xo‘jayev, «Novza») bo‘lingan. Mahalla hududidan katta nov arig‘i o‘tgani bois shunday atalgan, «Oqtepa Novza» mahallasi deb ham ataladi. Aholisi 7526 kishi, ko‘p millatli (2009). Mahalla hududida 2 bolalar bog‘chasi, o‘rta maktab, 3 kichik xususiy korxona mavjud.

2. «NOVZA» MAHALLASI (Muqimiy ko‘chasi, 2) – Chilonzor tumanidagi mahalla. «Chilonzor», «3-Katta Chilonzor», «1-Charx Kamolon», «2-Charx Kamolon», «Hamza» mahallalari bilan chegaradosh. 19-asr oxirida Bo‘zsuv kanali irmog‘iga to‘g‘on qurilib, balandlikdagi bo‘sh yotgan yerlarda bog‘-rog‘lar yaratilib, ekinzor dalalarga nov orqali suv chiqarilgan. Shu munosabat bilan ushbu novza yaqin-atrofdagi yerlar va mahalla «Novza» deb atalgan. Aholisi 6312 kishi, asosan, o‘zbeklar, shuningdek, 20 dan ortiq millat vakillari yashaydi (2009). Mahalla hududida 3 bolalar bog‘chasi, kasb-hunar kolleji, choyxona, 5 oziq-ovqat do‘koni, 3 dorixona, 6 kafe, istirohat bog‘i, 3 xususiy davolanish m-zi, bank, 3 ta notarius, sartaroshxonalar, kutubxona mavjud.

«Toshkent» ensiklopediyasi. 2009 yil

Оставьте комментарий