Navro‘z bayramida o‘zbekistonliklar necha kun dam olishadi?

Joriy yilgi Navro‘z bayramida ish haftasining davomiyligidan qat’i nazar barcha xodimlar ketma-ket 3 kun dam olishadi.

Avvalo, 8 mart – Xalqaro xotin-qizlar kuni bayramida dam olish kunlarida alohida o‘zgarish bo‘lmaydi va quyidagicha tartibga solinadi:
6 mart – shanba (faqat 5 kunlik ish haftasidagi xodimlar uchun dam olish kuni, 6 kunlik ish haftasidagilar uchun ish kuni);
7 mart – yakshanba (barcha uchun dam olish kuni);
8 mart – (bayram, barcha uchun dam olish kuni).
Ish haftasining davomiyligidan qat’i nazar Navro‘z bayramida barcha xodimlarga quyidagi sanalar dam olish kuni hisoblanadi:
20 mart – shanba (barcha xodimlar uchun dam olish kuni);
21 mart – yakshanba (Navro‘z bayrami);
22 mart – dushanba (27 mart (shanba)dagi dam olish kuni ko‘chirilgan – barcha xodimlar uchun dam olish kuni).
27 mart – shanba kuni barcha xodimlar uchun, jumladan haftasiga 5 kun ishlaydigan xodimlar uchun ham ish kuni hisoblanadi.