Musofirlik risqin terib yurganlar! uzbekcha she’r

Musofirlik risqin terib yurganlar!

Musofirlik risqin terib yurganlar…
Yillab ketsalar ham Vatandan yiroq,
Unutmaydi ona tuprog’in biroq.
Yuragini yemiradi ayriliq, firoq,
Oson tutmang o’zga yurtda yurganlarga,
Musofirlik risqin terib yurganlarga.
Uy-joylarning ortida qancha mehnat yotibdi,
Kimlar devor quraru, kimlar shifer qoqibdi.
G’iybatchilar ularga nelar deb gap otibdi,
Oson tutmang o’zga yurtda yurganlarga,
Musofirlik risqin terib yurganlarga.
Uylar qursa qurar mehnatin ortidan,
Mashina minsa minar davlatin ortidan.
Xech ham xor bo’lmas hunarin ortidan,
Oson tutmang o’zga yurtda yurganlarga,
Musofirlik risqin terib yurganlarga.
Ularga hamisha Xudo bo’lib yor,
Qayda bo’lsalar ham bo’lsin baxtiyor.
Ularning ko’ngli misoli oq qor,
Oson tutmang o’zga yurtda yurganlarga,
Musofirlik risqin terib yurganlarga.
Yaxshi niyat qilsalar, niyatlari bo’lgaydir murod,
Sog’lik, baxt va omad ularga doim bo’lsin hamroh.
Farzand ko’rsa ismin qo’ysin Xushnud yoki Xolmurod,
Oson tutmang o’zga yurtda yurganlarga,
Musofirlik risqin terib yurganlarga.

Оставьте комментарий