Me’morlar. Svarichevskiy Georgiy Mixaylovich


Post Views:
16

SVARICHEVSKIY Georgiy Mixaylovich (1871–1936) – me’mor. 1895 yildan Toshkentda. 1899–1905 yillarda shahar me’mori, 1906–1917 yillarda general-gubernatorlik mahkamasining qurilish bo‘yicha maxsus topshiriqlarini bajaruvchi ma’mur. Uning loyihalari asosida Toshkentda temir yo‘l vokzali (1905; saqlanmagan), Bosh temir yo‘l ustaxonalari, hozirgi Istiqlol ko‘chasida ikkinchi xotin-qizlar gimnaziyasi (1912; hozir Xalqaro Vestminster universiteti binosi), Turkiston sud palatasi va Okrug sudi binosi (1912; K.M.Tilnin bilan birga; hozir «O‘zbekiston temir yo‘llari» davlat aksiyadorlik kompaniyasi) va Mariya xotin-qizlar bilim yurti (1912; hozir Fransiyaning O‘zbekiston Respublikasidagi elchixonasi), «Xiva» k/t (1910; saqlanmagan), hozirgi Mustaqillik ko‘chasidagi Kaplan dorixona magazini (1907; hozirgi Ipoteka bank joylashgan), «Regina» mehmonxonasi (1916; bino saqlanmagan), Irrigatsiya qidiruv-o‘rganish boshqarmasi (1928; hozirgi O‘zbekiston Respublikasi FA Prezidiumi joylashgan) binolari, shuningdek, Mustaqillik ko‘chasidagi ba’zi turar joy binolari (1920–30-yillar) qurilgan. O‘rta Osiyo industrial instititida sanoat va fuqaro kurilishi me’morligi kafedrasini tashkil etish tashabbuskori. O‘zbekiston Arxitektorlar uyushmasi tashkilotchisi va pravleniyesi raisi bo‘lgan. O‘zbekistonda Yevropaga xos me’morlik taraqqiyotiga salmoqli hissa qo‘shgan.

«Toshkent» ensiklopediyasi. 2009 yil

Оставьте комментарий