Ma’rifatparvarlar. Sattorxon Abdug‘afforov


Post Views:
56

SATTORXON Abdug‘afforov (1843–1901) – ma’rifatparvar, tarixchi. Yirik ulamo (mudarris) oilasida tug‘ilgan. Toshkentdagi Shukurxon madrasasini tugatgan (1862). Arab, fors tillarini yaxshi bilgan, rus tilini o‘rgangan. 1864 yilgacha Chimkent shahar muftiysi, 1873–76 yillarda Chimkent­dagi birinchi rus-tuzem maktabi o‘qituvchisi. 1876–81 yillar Qo‘qon shahar qozisi. Sattorxon qozilik lavozimidan targ‘ib etish yo‘lida foydalangan, natijada ruhoniylar tomonidan qattiq tazyiqqa duch kelgan. 1883 yil «Turkiston viloyati gazeti»ga ishga kirgan, 1884–89 yillarda Toshkent o‘qituvchilar seminariyasida o‘zbek va fors tillaridan dars bergan. Sattorxon ma’rifatparvarlik g‘oyalarini dunyoviy bilimlarni targ‘ib etgan, chorizmning maorif sohasidagi ayrim tadbirlarini tanqid qilgan. Furqat, Muqimiy, Zavqiy bilan hamkor bo‘lgan. Sattorxonning ijtimoiy qarashlari uning Toshkentlik «Musulmon eshonlari», «Rossiya istilosiga qadar Qo‘qon xonligining ichki ahvoli haqida qisqacha ocherk» nomli risolalarida, ko‘pgina maqola va nutqlarida o‘z ifodasini topgan.

«Toshkent» ensiklopediyasi. 2009 yil

Оставьте комментарий