Kutubxonalar. Z.M. Bobur nomidagi Andijon viloyat universal ilmiy kutubxonasi


Post Views:
237

Andijon viloyat universal ilmiy kutubxonasi ko‘ngilli liberal ruhidagi fuqaro va harbiylar yordamida 1907 yilda tashkil etilgan. O‘sha davrda Andijon tuman kutubxona-qiroatxonasi deb nomlangan.

Dastlab kutubxona fondi 387 nusxadagi dunyoviy adabiyotlardan iborat bo‘lgan. Ularning ayrimlari hozir ham kutubxonaning nodir fondida saqlanmoqda.

1921 yilda tuman kutubxona-qiroatxonasi shahar kutubxonasi deb qayta nomlangan.

1940 yilda shahar kutubxonasi negizida viloyat universal ilmiy kutubxonasi tashkil etilgan. Shu davrda kutubxona fondi 83132 nusxa adabiyotlardan iborat bo‘lgan.

1964 yilda 500 ming nusxa adabiyotlarga mo‘ljallangan kutubxona binosi qurilib foydalanishga topshirilgan va kutubxonaga Bobur nomi berilgan.

Kutubxonada Kitob saqlash, To‘kislash, Kitobxonlarga xizmat ko‘rsatish, Ilmiy-metodik, Axborot-bibliografiya, Avtomatlashtirish, Menejment va marketing hamda Xorijiy adabiyotlar bo‘limlari mavjud.

Bugungi kunda kutubxona fondi 550 ming nusxaga yaqin adabiyotlardan iborat bo‘lib, viloyatdagi 478 ta ommaviy kutubxonalarga metodik rahbarlik qiladi.

O‘ZBEKISTONNING YIRIK KUTUBXONALARI

Metodik ma’lumotnoma
Alisher Navoiy nomidagi O‘zbekiston Milliy kutubxonasi nashriyoti
Toshkent – 2004

Оставьте комментарий