Kuting, Ona, yoningizga borayapman ota-ona haqida she’r

Kuting, Ona, yoningizga borayapman
Kuting, Ona, yoningizga borayapman

Ona, Dunyo tashvishidan xorib qoldim,
Vaqt hukmiga chidolmay gox, nolib qoldim.
Mana bugun, sizni yodga olib qoldim,
Umrim mezon, menchi o’yga tolayapman,
Kuting, Ona, yoningizga borayapman!

Men bahtliman bag’ringizda onam faqat,
Dalli dunyo bo’lsa xamki ho’p beshafqat,
Osmon olis, zamin zarang, anqodir baht,
Guvalakdek, uvalanib, nurayarman,
Kuting, Ona, yoningizga borayapman!

Ko’kka qo’lim cho’zsam qo’lim yetmayapti,
Yugursamda, sizga yo’lim yetmayapdi
Sizsiz xatto, qultum suv xam o’tmayapti,
Diydoringiz olovida yonayapman,
Kuting, Ona, yoningizga borayapman!

Sizsiz menga bu dunyoni zavqi nima?
Sizsizkelgan shodligiyu, shavqi nima?
Tashvishlarim, to’siq bo’lmang, siz yo’lima…
Ona, sizsiz yaproq kabi so’layapman,
Mexr istab, yoningizga borayapman!

Dil qatiga olis damlar xissin solib,
Umringizni Xaqdan so’ray ming yolvorib,
Sitamlardan sitilgan bir jonim olib,
Jannatdayin bag’ringizni qo’msayapman,
Kuting, Ona, yoningizga borayapman!

Оставьте комментарий