Kindaktepa


Post Views:
10

KINDAKTEPA – 2–13-asrlarga mansub shahar xarobasi. Toshkent dengizi zonasida. Dastlab 1959 yil V.I.Nilsen va T. A’zamxo‘jayev tomonidan o‘rganilib, uning faqat ark va 1 shahristoni aniqlangan. 1971 yil uni Yu.F.Buryakov va V.I.Sprishevskiy atroflicha tekshirgan. 1972–75 yillarda esa Yu.F.Buryakov u yerda qazish ishlari olib borgan. Tadqiqotlar natijasida shahar stratigrafiyasiga tegishli muhim ma’lumotlar hamda Burganli madaniyati va Qovunchi madaniyatiga doir bir qancha ashyoviy dalillarga ega bo‘lindi; ichida sopol idishlar mavjud silindrsimon xumdonlar, Ustrushona hukmdori Raxanch II, Samarqand hukmdorlari G‘urak va Turgar (738–750), abbosiy xalifalar hamda turkashlar davrida zarb qilingan tangalar topildi.

«Toshkent» ensiklopediyasi. 2009 yil

Оставьте комментарий