Bilasizmi… uzbekcha she’r

Bilasizmi...
Bilasizmi...

Bilasizmi…
Sizni yuragimda unsiz asrayman,
Yarimta bahtni ham baht deb atayman
Sizga zarra ozor yetmasin, deya,
Hech kimga aytolmay, tilsiz yashayman !

Bilasizmi…
Sizni muhabbatga o‘radim, qarang,
Ko‘ngil shishasini asradim, arang.
Qasamlar ichsamda bardoshligimga,
Sabrimning iplari bo‘g‘zimda tarang !

Bilasizmi…
Menga xavo yetmas, menga tong yetmas,
Boshimda tunlarning xonishi ketmas.
Sizga bahtliman, deb aytsamda ming bor,
Ming bora yolg‘onim o‘zimga yoqmas !

Bilasizmi…
Men bugun go‘yoki xammadan bahtli,
Ammo hammadan ham, alamli, dardli.
Siz borsiz rostimda va yolg‘onimda.
Bizning taqdirimiz so‘ngi gumonli !

Bilasizmi…
Sog‘inchim qasd qilar alami bordek,
Gohida toshaman siz tomon soydek.
Gohida ojizman yo‘lsiz, tentirab,
Xassasin yo‘qotgan bechora ko‘rdek !

Bilasizmi…
Dunyo bo‘linsa gar ikkiga shu dam,
Ikki pallasi ham bo‘lardi bir kam.
Biri baht, biri g‘am bo‘lsada xatto,
Mening o‘rnim yo‘qdek ikkisida ham !

Bilasizmi…
Bu azob, bu chidam, bu sabr, bardosh,
Bu bag‘rim kuydirgan begona quyosh.
Goh shodlik, goh quvonch, gohida jimlik…
Gohida yashirin to‘kilgan ko‘z yosh !!!

Оставьте комментарий